hain to suraj pa andhere mein paDe hain hum log
haiñ to sūraj pa añdhere meñ paḌe haiñ ham log
aap apnī hī nigāhoñ se chhupe haiñ ham log
ḳhud-kushī karne kī ḳhvāhish to nahīñ hai lekin
kyā kareñ rail kī paTrī pe khaḌe haiñ ham log
aisā lagtā hai ki ab vaqt ke guldānoñ meñ
kāġhazī phūloñ ke mānind saje haiñ ham log
ġhair-mumkin hai ki tinke kā sahārā mil jaa.e
ek ik qatre meñ ab Duub rahe haiñ ham log
apne hoñToñ pe hai likkhā huā sahrā sahrā
lutf ye hai ki samundar se chale haiñ ham log
hain to suraj pa andhere mein paDe hain hum log
aap apni hi nigahon se chhupe hain hum log
KHud-kushi karne ki KHwahish to nahin hai lekin
kya karen rail ki paTri pe khaDe hain hum log
aisa lagta hai ki ab waqt ke guldanon mein
kaghazi phulon ke manind saje hain hum log
ghair-mumkin hai ki tinke ka sahaara mil jae
ek ek qatre mein ab Dub rahe hain hum log
apne honTon pe hai likkha hua sahra sahra
lutf ye hai ki samundar se chale hain hum log
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
