kisi ko ye na lage be-hunar lage hue hain
kisī ko ye na lage be-hunar lage hue haiñ
natīja koī to nikle agar lage hue haiñ
ye baat alag ki asīrī meñ lag gayā hai dil
uḌaan bhar bhī to sakte haiñ par lage hue haiñ
use bhī merī du'āoñ hī kā samar samjho
tumhāre rāste meñ jo shajar lage hue haiñ
hamārī god meñ aa.e haiñ phal udāsī ke
tumhāre hisse ke to shāḳh par lage hue haiñ
hamāre kaam meñ duniyā mudāḳhalat na kare
lage hue haiñ to kuchh soch kar lage hue haiñ
kisi ko ye na lage be-hunar lage hue hain
natija koi to nikle agar lage hue hain
ye baat alag ki asiri mein lag gaya hai dil
uDan bhar bhi to sakte hain par lage hue hain
use bhi meri du'aon hi ka samar samjho
tumhaare raste mein jo shajar lage hue hain
hamari god mein aae hain phal udasi ke
tumhaare hisse ke to shaKH par lage hue hain
hamare kaam mein duniya mudaKHalat na kare
lage hue hain to kuchh soch kar lage hue hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
