bashar ke aur farishte ke darmiyan mein hun
bashar ke aur farishte ke darmiyān meñ huuñ
maiñ apnī zaat meñ afzal huuñ is gumān meñ huuñ
na jī rahā huuñ na mar pā rahā salīqe se
ġham-e-hayāt batā kaise imtihān meñ huuñ
bhale bure sabhī ā'māl jāntā hai vo
maiñ is liye bhī sukūñ meñ huuñ itminān meñ huuñ
ye mushkilāt mujhe ye yaqīñ dilātī haiñ
gunāh-gār sahī phir bhī us ke dhyān meñ huuñ
anā-parast rahūñ yā ḳhudā banā luuñ use
maiñ dil dimāġh kī kuchh aisī khīñch-tān meñ huuñ
ye shā'irī ye faqīrī hai merā sarmāya
maiñ is tarah kā akelā hī ḳhāndān meñ huuñ
fanā ke dar se mujhe zindagī milī 'qaisar'
zamīñ meñ dafn huā tab se āsmān meñ huuñ
bashar ke aur farishte ke darmiyan mein hun
main apni zat mein afzal hun is guman mein hun
na ji raha hun na mar pa raha saliqe se
gham-e-hayat bata kaise imtihan mein hun
bhale bure sabhi aa'mal jaanta hai wo
main is liye bhi sukun mein hun itminan mein hun
ye mushkilat mujhe ye yaqin dilati hain
gunah-gar sahi phir bhi us ke dhyan mein hun
ana-parast rahun ya KHuda bana lun use
main dil dimagh ki kuchh aisi khinch-tan mein hun
ye sha'iri ye faqiri hai mera sarmaya
main is tarah ka akela hi KHandan mein hun
fana ke dar se mujhe zindagi mili 'qaisar'
zamin mein dafn hua tab se aasman mein hun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
