ban ke aansu na kabhi aankh se bahna chahun
ban ke aañsū na kabhī aañkh se bahnā chāhūñ
dard terā hai zamāne se na kahnā chāhūñ
kis liye mujh ko sajāte ho sar-e-bazm-e-nashāt
phuul sahrā kā huuñ shahroñ meñ na rahnā chāhūñ
har qadam aage baḌhātā huuñ maiñ dariyā kī tarah
ek hī baat ko dobāra na kahnā chāhūñ
maiñ huuñ vo peḌ jise raas nahīñ apnā samar
is qadar bojh hai mujh par ki maiñ Dhahnā chāhūñ
phir use milne ko bechain huā huuñ 'ḳhāvar'
kaun sā dukh hai abhī aur jo sahnā chāhūñ
ban ke aansu na kabhi aankh se bahna chahun
dard tera hai zamane se na kahna chahun
kis liye mujh ko sajate ho sar-e-bazm-e-nashat
phul sahra ka hun shahron mein na rahna chahun
har qadam aage baDhata hun main dariya ki tarah
ek hi baat ko dobara na kahna chahun
main hun wo peD jise ras nahin apna samar
is qadar bojh hai mujh par ki main Dhahna chahun
phir use milne ko bechain hua hun 'KHawar'
kaun sa dukh hai abhi aur jo sahna chahun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
