taKHsis bhi ye unki sitam hai karam nahin

taḳhsīs bhī ye un kī sitam hai karam nahīñ

kahte haiñ vo 'adū se mujhe aap kam nahīñ

pūchhā jo maiñ ne mujh se na milne kī kyā vajah

bole yahī ki aap kī qismat meñ ham nahīñ

tujh se umīd-e-lutf raqīboñ ko ho to ho

mujh ko to ye ḳhayāl bhī terī qasam nahīñ

dushman se dostī kā irāda na kījiye

aisā huā to aap samajh leñ ki ham nahīñ

ham par sitam to ho sitam-e-nā-ravā na ho

banda-navāz us ke ravādār ham nahīñ

kahte haiñ vo tumhīñ ko mubārak kare ḳhudā

achchhā yahī sahī ki vafā-dār ham nahīñ

ronā ye hai ki vo bhī pareshān haiñ 'qamar'

apnī musībatoñ se pareshān ham nahīñ

taKHsis bhi ye un ki sitam hai karam nahin

kahte hain wo 'adu se mujhe aap kam nahin

puchha jo main ne mujh se na milne ki kya wajah

bole yahi ki aap ki qismat mein hum nahin

tujh se umid-e-lutf raqibon ko ho to ho

mujh ko to ye KHayal bhi teri qasam nahin

dushman se dosti ka irada na kijiye

aisa hua to aap samajh len ki hum nahin

hum par sitam to ho sitam-e-na-rawa na ho

banda-nawaz us ke rawadar hum nahin

kahte hain wo tumhin ko mubarak kare KHuda

achchha yahi sahi ki wafa-dar hum nahin

rona ye hai ki wo bhi pareshan hain 'qamar'

apni musibaton se pareshan hum nahin