nikle nahin hain yaadon ki jab kahkashan se hum

nikle nahīñ haiñ yādoñ kī jab kahkashāñ se ham

phir kyā gilā kareñge bhalā us jahāñ se ham

aage nikal chuke haiñ yuuñ sūd-o-ziyāñ se ham

Darte nahīñ haiñ aap ke tīr-o-kamāñ se ham

dar-asl ham ḳhafā haiñ ḳhud apnī hī zaat se

shikva-kunāñ nahīñ haiñ zamīñ āsmāñ se ham

ab tak ye dil yaqīñ ke safar par hai gām-zan

bāhar nikal to aa.e haiñ vahm-o-gumāñ se ham

tum se bichhaḌ ke ḳhud ko sañbhālā na jā.egā

lā.eñge itnā hausla himmat kahāñ se ham

pahuñche the jidd-o-jahd se manzil ke anqarīb

ab kyā batā.eñ lauTe haiñ kaise vahāñ se ham

'mīnā' agar nasīb meñ ġham haiñ likhe hue

tum hī batāo lā.eñge ḳhushiyāñ kahāñ se ham

nikle nahin hain yaadon ki jab kahkashan se hum

phir kya gila karenge bhala us jahan se hum

aage nikal chuke hain yun sud-o-ziyan se hum

Darte nahin hain aap ke tir-o-kaman se hum

dar-asl hum KHafa hain KHud apni hi zat se

shikwa-kunan nahin hain zamin aasman se hum

ab tak ye dil yaqin ke safar par hai gam-zan

bahar nikal to aae hain wahm-o-guman se hum

tum se bichhaD ke KHud ko sanbhaala na jaega

laenge itna hausla himmat kahan se hum

pahunche the jidd-o-jahd se manzil ke anqarib

ab kya bataen lauTe hain kaise wahan se hum

'mina' agar nasib mein gham hain likhe hue

tum hi batao laenge KHushiyan kahan se hum