nikal kar dil ke andar se kabhi bahar nahin aata

nikal kar dil ke andar se kabhī bāhar nahīñ aatā

tasavvur meñ to rahtā hai vo kāġhaz par nahīñ aatā

vahī ik naam hai jo lab pe aatā hī nahīñ mere

likhūñ bhī kis tarah us ko vo kāġhaz par nahīñ aatā

use parde meñ jab dekhā to bas ham ne yahī jaanā

zamīñ par chāñd rahtā hai magar bāhar nahīñ aatā

agar piine ki chāhat hai to phir aage baḌho sāhab

takalluf se kisī kā bhī yahāñ number nahīñ aatā

agar maiñ sar jhukā detā tirī shamshīr ke aage

to phir e'zāz-e-ḳhud-dārī mire sar par nahīñ aatā

lahad kahte haiñ us ko sab ajal hai jis kā darvāza

vo aisā shahr hai jis meñ koī jā kar nahīñ aatā

nikal kar dil ke andar se kabhi bahar nahin aata

tasawwur mein to rahta hai wo kaghaz par nahin aata

wahi ek nam hai jo lab pe aata hi nahin mere

likhun bhi kis tarah us ko wo kaghaz par nahin aata

use parde mein jab dekha to bas hum ne yahi jaana

zamin par chand rahta hai magar bahar nahin aata

agar pine ki chahat hai to phir aage baDho sahab

takalluf se kisi ka bhi yahan number nahin aata

agar main sar jhuka deta teri shamshir ke aage

to phir e'zaz-e-KHud-dari mere sar par nahin aata

lahad kahte hain us ko sab ajal hai jis ka darwaza

wo aisa shahr hai jis mein koi ja kar nahin aata