meri banti hi nahin thi kabhi sardar ke sath
merī bantī hī nahīñ thī kabhī sardār ke saath
is liye fāsla baḌhtā gayā darbār ke saath
sar agar jaa.e chalā jaa.e shikāyat kaisī
bad-sulūkī nahīñ manzūr hai dastār ke saath
naukrī jism to pardes meñ le aa.ī magar
jaan aTkī hai mirī aaj bhī ghar-bār ke saath
ye shab-e-hijr hai kaaTe na kaTegī sāhab
vaise to 'umr guzar jaatī hai raftār ke saath
'ain mumkin hai tujhe kaam ke nukte de de
do ghaḌī baiTh kabhī 'kāshif'-e-be-kār ke saath
meri banti hi nahin thi kabhi sardar ke sath
is liye fasla baDhta gaya darbar ke sath
sar agar jae chala jae shikayat kaisi
bad-suluki nahin manzur hai dastar ke sath
naukri jism to pardes mein le aai magar
jaan aTki hai meri aaj bhi ghar-bar ke sath
ye shab-e-hijr hai kaTe na kaTegi sahab
waise to 'umr guzar jati hai raftar ke sath
'ain mumkin hai tujhe kaam ke nukte de de
do ghaDi baiTh kabhi 'kashif'-e-be-kar ke sath
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
