kuchh humne kabhi dahr se manga bhi nahin hai
kuchh ham ne kabhī dahr se māñgā bhī nahīñ hai
aur apnī anā kā ye taqāzā bhī nahīñ hai
ye kaise kahūñ saath nibhā.ūñgā hamesha
kab ziist daġhā de de bharosa bhī nahīñ hai
kyuuñ ho na zamāne ko mire 'ishq pe hairat
shaidā.ī huuñ us kā jise dekhā bhī nahīñ hai
haiñ ḳhauf-zada aisī charāġhoñ kī laveñ kyoñ
kuchh tez havā kā abhī jhoñkā bhī nahīñ hai
ausān ko jazbāt meñ khonā hai ye 'vāris'
de baiThe use dil jise parkhā bhī nahīñ hai
kuchh hum ne kabhi dahr se manga bhi nahin hai
aur apni ana ka ye taqaza bhi nahin hai
ye kaise kahun sath nibhaunga hamesha
kab zist dagha de de bharosa bhi nahin hai
kyun ho na zamane ko mere 'ishq pe hairat
shaidai hun us ka jise dekha bhi nahin hai
hain KHauf-zada aisi charaghon ki lawen kyon
kuchh tez hawa ka abhi jhonka bhi nahin hai
ausan ko jazbaat mein khona hai ye 'waris'
de baiThe use dil jise parkha bhi nahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
