kaj hai kulah-e-ahl-e-junun sar buland hai
kaj hai kulāh-e-ahl-e-junūñ sar buland hai
ahl-e-jahāñ ko baat yahī nā-pasand hai
saarī musībateñ mirī is kī vajh se haiñ
siine meñ mere ye jo dil-e-dard-mand hai
maiñ us kī ek ek adā kā asiir huuñ
merī har ek baat jise nā-pasand hai
jis din huā thā pahle-pahal us kā sāmnā
mujh par dar-e-hayāt usī din se band hai
kyā jaane aaj kaise sahar hogī 'shahryār'
dil merā aaj raat bahut fikrmand hai
kaj hai kulah-e-ahl-e-junun sar buland hai
ahl-e-jahan ko baat yahi na-pasand hai
sari musibaten meri is ki wajh se hain
sine mein mere ye jo dil-e-dard-mand hai
main us ki ek ek ada ka asir hun
meri har ek baat jise na-pasand hai
jis din hua tha pahle-pahal us ka samna
mujh par dar-e-hayat usi din se band hai
kya jaane aaj kaise sahar hogi 'shahryar'
dil mera aaj raat bahut fikrmand hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
