agarche sae ka ham-sar nahin hun

agarche saa.e kā ham-sar nahīñ huuñ

suḳhan-mushtāq huuñ kam-tar nahīñ huuñ

mujhe dhoka diyā bhaa.ī ne mere

maiñ ghar meñ huuñ magar ghar par nahīñ huuñ

mire apne hue haiñ duur mujh se

akelā huuñ abhī lashkar nahīñ huuñ

vahī 'ādat mirī sach bolne kī

kisī bhī aañkh meñ behtar nahīñ huuñ

vo yādeñ dil se ruḳhsat ho rahī haiñ

maiñ tere dhyān kā mehvar nahīñ huuñ

kamā lūñgā maiñ itnī rozī-roTī

zamīn-e-ḳhushk huuñ banjar nahīñ huuñ

ye merā 'ishq ‘ishq-e-jāvedānī

maiñ miTTī huuñ koī ambar nahīñ huuñ

agarche sae ka ham-sar nahin hun

suKHan-mushtaq hun kam-tar nahin hun

mujhe dhoka diya bhai ne mere

main ghar mein hun magar ghar par nahin hun

mere apne hue hain dur mujh se

akela hun abhi lashkar nahin hun

wahi 'adat meri sach bolne ki

kisi bhi aankh mein behtar nahin hun

wo yaaden dil se ruKHsat ho rahi hain

main tere dhyan ka mehwar nahin hun

kama lunga main itni rozi-roTi

zamin-e-KHushk hun banjar nahin hun

ye mera 'ishq ‘ishq-e-jawedani

main miTTi hun koi ambar nahin hun