tu mere pyar ke zine se utar jaega

tū mire pyaar ke ziine se utar jā.egā

yūñhī be-sūd rahegā to bikhar jā.egā

tere vā'de tire qāsid ko tasallī deñge

terā bīmār tirī rāhoñ pe mar jā.egā

ye zamīñ vāloñ ne jo ḳhud ko ḳhudā samjhā hai

āsmāñ vaalā ḳhudā hone se Dar jā.egā

jaane kis roz dilāse ko ḳhushī pahuñchegī

jaane kis roz tū vahshat se utar jā.egā

ek duuje ko mohabbat kī sazā dete haiñ

varna ye peḌ udāsī meñ sañvar jā.egā

bas yahī soch ke zinda huuñ maiñ 'kāshif-aurā’

ik na ik roz to mujh par bhī vo mar jā.egā

tu mere pyar ke zine se utar jaega

yunhi be-sud rahega to bikhar jaega

tere wa'de tere qasid ko tasalli denge

tera bimar teri rahon pe mar jaega

ye zamin walon ne jo KHud ko KHuda samjha hai

aasman wala KHuda hone se Dar jaega

jaane kis roz dilase ko KHushi pahunchegi

jaane kis roz tu wahshat se utar jaega

ek duje ko mohabbat ki saza dete hain

warna ye peD udasi mein sanwar jaega

bas yahi soch ke zinda hun main 'kashif-aura’

ek na ek roz to mujh par bhi wo mar jaega