jannat ki sair kar lun baDa KHwab dekh lun
jannat kī sair kar luuñ baḌā ḳhvāb dekh luuñ
sotā huuñ tā-ki phir se tirā ḳhvāb dekh luuñ
saarā jahāñ ḳhudā ko manāne kī zid meñ hai
maiñ sochtā huuñ so ke tirā ḳhvāb dekh luuñ
sūraj charāġh chāñd haiñ mere paḌāv aur
kahte haiñ bevaqūf ye kyā ḳhvāb dekh luuñ
kar lūñgā rozī roTī kā bhī uTh ke ehtimām
āñkhoñ meñ raushnī hai baḌā ḳhvāb dekh luuñ
'kāshif' falak ko chhūnā bhī nīñdoñ sī niiñd hai
behtar hai jaag jā.ūñ ḳhudā ḳhvāb dekh luuñ
jannat ki sair kar lun baDa KHwab dekh lun
sota hun ta-ki phir se tera KHwab dekh lun
sara jahan KHuda ko manane ki zid mein hai
main sochta hun so ke tera KHwab dekh lun
suraj charagh chand hain mere paDaw aur
kahte hain bewaquf ye kya KHwab dekh lun
kar lunga rozi roTi ka bhi uTh ke ehtimam
aankhon mein raushni hai baDa KHwab dekh lun
'kashif' falak ko chhuna bhi nindon si nind hai
behtar hai jag jaun KHuda KHwab dekh lun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
