dharti ke memar kahani mushkil hai
dhartī ke me'mār kahānī mushkil hai
ho gaye sab bezār kahānī mushkil hai
tū qādir hai thoḌī sī āsānī kar
yaar hidāyat-kār kahānī mushkil hai
mālik mujh ko bhej ke ḳhud kyuuñ ġhā.eb hai
sāmne aa jā yaar kahānī mushkil hai
kuchh to merī marzī se bhī hone de
mere ḳhud-muḳhtār kahānī mushkil hai
terī kaTh-putlī ko niiñd nahīñ aatī
jaag jā pālanhār kahānī mushkil hai
bin dekhe hī tujh ko rab kahne vaalā
kartā hai iqrār kahānī mushkil hai
jaise-taise role nibhātā rahtā huuñ
kaun kahe har baar kahānī mushkil hai
dharti ke me'mar kahani mushkil hai
ho gaye sab bezar kahani mushkil hai
tu qadir hai thoDi si aasani kar
yar hidayat-kar kahani mushkil hai
malik mujh ko bhej ke KHud kyun ghaeb hai
samne aa ja yar kahani mushkil hai
kuchh to meri marzi se bhi hone de
mere KHud-muKHtar kahani mushkil hai
teri kaTh-putli ko nind nahin aati
jag ja palanhaar kahani mushkil hai
bin dekhe hi tujh ko rab kahne wala
karta hai iqrar kahani mushkil hai
jaise-taise role nibhata rahta hun
kaun kahe har bar kahani mushkil hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
