teri chahat pe fida KHun-e-jigar humne kiya

terī chāhat pe fidā ḳhūn-e-jigar ham ne kiyā

saath terā jo milā shab ko sahar ham ne kiyā

apnī āñkhoñ ke safīne āñsuoñ se tar rahe

is tarah tai zindagī kā har safar ham ne kiyā

haiñ bahut hī qīmtī yuuñ hī na bah jaa.eñ kahīñ

un ke bahte āñsuoñ ko bas guhar ham ne kiyā

zindagī kī ye Dagar āsān kuchh ho jā.egī

dil ke añdhiyāre ko thoḌā kam agar ham ne kiyā

dard un ke dil kā saarā sun ke aa.e to lagā

dard un kā kuchh to halkā 'bhāvnā' ham ne kiyā

teri chahat pe fida KHun-e-jigar hum ne kiya

sath tera jo mila shab ko sahar hum ne kiya

apni aankhon ke safine aansuon se tar rahe

is tarah tai zindagi ka har safar hum ne kiya

hain bahut hi qimti yun hi na bah jaen kahin

un ke bahte aansuon ko bas guhar hum ne kiya

zindagi ki ye Dagar aasan kuchh ho jaegi

dil ke andhiyare ko thoDa kam agar hum ne kiya

dard un ke dil ka sara sun ke aae to laga

dard un ka kuchh to halka 'bhawna' hum ne kiya