mere pahlu mein shayad dil nahin hai
mire pahlū meñ shāyad dil nahīñ hai
ki ab ashkoñ meñ ḳhuuñ shāmil nahīñ hai
talāsh-e-nā-ḳhudā maqsad hai merā
mire pesh-e-nazar sāhil nahīñ hai
nazar mahjūb ho jaatī hai varna
yahāñ parda koī haa.il nahīñ hai
har ik tā'mīr kī taḳhrīb zid hai
tirī manzil mirī manzil nahīñ hai
kamāl-e-husn hai ā.īna-sāzī
hamārā 'ishq hī kāmil nahīñ hai
kahā saaqī ne 'vāsif' ko bulāo
kareñ kyā garmī-e-mahfil nahīñ hai
mere pahlu mein shayad dil nahin hai
ki ab ashkon mein KHun shamil nahin hai
talash-e-na-KHuda maqsad hai mera
mere pesh-e-nazar sahil nahin hai
nazar mahjub ho jati hai warna
yahan parda koi hail nahin hai
har ek ta'mir ki taKHrib zid hai
teri manzil meri manzil nahin hai
kamal-e-husn hai aaina-sazi
hamara 'ishq hi kaamil nahin hai
kaha saqi ne 'wasif' ko bulao
karen kya garmi-e-mahfil nahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
