chaak daman ko kai bar siye jata hun

chaak dāman ko ka.ī baar siye jaatā huuñ

bas isī fikr meñ din raat jiye jaatā huuñ

ek to hai ki mayassar nahīñ hone vaalā

ek maiñ huuñ ki yaqīñ tujh pe kiye jaatā huuñ

apne qātil ko kaleje se lagāyā thā kabhī

aaj tak ḳhuun ke aañsū maiñ piye jaatā huuñ

kyā kahā us ne abhī mujh se mohabbat hī nahīñ

aur maiñ huuñ ki use yaad kiye jaatā huuñ

zindagī tujh ko yahāñ kis ke bharose chhoḌūñ

bas yahī soch ke mar mar ke jiye jaatā huuñ

ek to raat ke sannāTe kā 'ālam hai abhī

aur 'habīb' us ko maiñ āvāz diye jaatā huuñ

chaak daman ko kai bar siye jata hun

bas isi fikr mein din raat jiye jata hun

ek to hai ki mayassar nahin hone wala

ek main hun ki yaqin tujh pe kiye jata hun

apne qatil ko kaleje se lagaya tha kabhi

aaj tak KHun ke aansu main piye jata hun

kya kaha us ne abhi mujh se mohabbat hi nahin

aur main hun ki use yaad kiye jata hun

zindagi tujh ko yahan kis ke bharose chhoDun

bas yahi soch ke mar mar ke jiye jata hun

ek to raat ke sannaTe ka 'alam hai abhi

aur 'habib' us ko main aawaz diye jata hun