ye mahki mahki fazaen hasin hasin sae

ye mahkī mahkī fazā.eñ hasīñ hasīñ saa.e

mire chaman ko kahīñ phir nazar na lag jaa.e

har ek gul kā muqaddar hai khil ke murjhānā

ye raaz dīda-e-shabnam ko kaun samjhā.e

ḳhizāñ ke daur meñ kitne muhīb hote haiñ

qarīb-e-shām vo gulshan meñ phailte saa.e

chaman meñ jashn-e-bahārāñ kī dhuum hai lekin

chhupe haiñ aaj bhī sayyād daam phailā.e

sunā hai āmad-e-fasl-e-bahār hai 'muztar'

ḳhudā kare ki ye mausam chaman ko raas aa.e

ye mahki mahki fazaen hasin hasin sae

mere chaman ko kahin phir nazar na lag jae

har ek gul ka muqaddar hai khil ke murjhana

ye raaz dida-e-shabnam ko kaun samjhae

KHizan ke daur mein kitne muhib hote hain

qarib-e-sham wo gulshan mein phailte sae

chaman mein jashn-e-bahaaran ki dhum hai lekin

chhupe hain aaj bhi sayyaad dam phailae

suna hai aamad-e-fasl-e-bahaar hai 'muztar'

KHuda kare ki ye mausam chaman ko ras aae