maine gar kholi zaban to kya se kya ho jaega

maiñ ne gar kholī zabāñ to kyā se kyā ho jā.egā

kuchh na kuchh achchhā nahīñ to kuchh burā ho jā.egā

itnā jhuk kar un se milne kī zarūrat hī nahīñ

vo to ik insān hai kyā vo ḳhudā ho jā.egā

dil meñ īmāñ kī harārat hai to phir kyā sochnā

sat.h-e-dariyā par bhī ik din rāsta ho jā.egā

āmad-e-daur-e-ḳhizāñ se itnā ranjīda na ho

sabz mausam aate hī pattā harā ho jā.egā

maiñ ne us se muskurā kar us se dil kī baat kī

kyā ḳhabar thī merā mohsin yuuñ ḳhafā ho jā.egā

dil kī gahrā.ī se jis ko maiñ ne chāhā thā kabhī

chalte chalte raah meñ mujh se judā ho jā.egā

main ne gar kholi zaban to kya se kya ho jaega

kuchh na kuchh achchha nahin to kuchh bura ho jaega

itna jhuk kar un se milne ki zarurat hi nahin

wo to ek insan hai kya wo KHuda ho jaega

dil mein iman ki hararat hai to phir kya sochna

sath-e-dariya par bhi ek din rasta ho jaega

aamad-e-daur-e-KHizan se itna ranjida na ho

sabz mausam aate hi patta hara ho jaega

main ne us se muskura kar us se dil ki baat ki

kya KHabar thi mera mohsin yun KHafa ho jaega

dil ki gahrai se jis ko main ne chaha tha kabhi

chalte chalte rah mein mujh se juda ho jaega