KHizan mein Duba hua hai bahaar ka mausam

ḳhizāñ meñ Duubā huā hai bahār kā mausam

bujhā bujhā sā hai dil ke dayār kā mausam

mile haiñ hijr ke lamhe matā’-e-ulfat meñ

luTā.e baiThe haiñ dil ke qarār kā mausam

nihāl-e-umr pe aisī ḳhizāñ utar aa.ī

kahīñ pe kho gayā rang-o-bahār kā mausam

dhuāñ dhuāñ haiñ badan soḳhta gulāboñ ke

ravish ravish meñ basā hai chinār kā mausam

na pūchh haal ki dil kā 'ajīb 'ālam hai

kabhī hai jabr kabhī iḳhtiyār kā mausam

ḳharosh-e-dil hai ki hai shor koī maqtal meñ

ulajh rahā hai rag-e-jāñ se daar kā mausam

havā kī guuñj meñ bhī tum sunā.ī dete ho

dar-e-junūñ ne diyā hai pukār kā mausam

ravāna hone ko hai shauq kā har ik lamha

badalne vaalā hai shahr-e-nigār kā mausam

nigāh-e-zīst abhī tak hai mehrbāñ 'saulat'

hai naḳhl-e-jāñ pe abhī barg-o-bār kā mausam

KHizan mein Duba hua hai bahaar ka mausam

bujha bujha sa hai dil ke dayar ka mausam

mile hain hijr ke lamhe mata’-e-ulfat mein

luTae baiThe hain dil ke qarar ka mausam

nihaal-e-umr pe aisi KHizan utar aai

kahin pe kho gaya rang-o-bahaar ka mausam

dhuan dhuan hain badan soKHta gulabon ke

rawish rawish mein basa hai chinar ka mausam

na puchh haal ki dil ka 'ajib 'alam hai

kabhi hai jabr kabhi iKHtiyar ka mausam

KHarosh-e-dil hai ki hai shor koi maqtal mein

ulajh raha hai rag-e-jaan se dar ka mausam

hawa ki gunj mein bhi tum sunai dete ho

dar-e-junun ne diya hai pukar ka mausam

rawana hone ko hai shauq ka har ek lamha

badalne wala hai shahr-e-nigar ka mausam

nigah-e-zist abhi tak hai mehrban 'saulat'

hai naKHl-e-jaan pe abhi barg-o-bar ka mausam