ho gaya roz-e-azal ka waqia azbar mujhe

ho gayā roz-e-azal kā vāqi'a azbar mujhe

ahl-e-duniyā mānte haiñ is liye bartar mujhe

chāhe dekhā hai vo raushan mast chehra ḳhvāb meñ

apnī hālat lag rahī hai pahle se behtar mujhe

ab aziyyat kī hadoñ se ho chukā labrez dil

ab nahīñ kāTegā tere hijr kā ḳhanjar mujhe

pahle us ne ism kī tafhīm kā kholā jahāñ

aur phir sikhlā diye lafzoñ ke sab jauhar mujhe

vādī-e-faqr-o-fanā meñ muddateñ guzrīñ mirī

jānte haiñ ahl-e-'irfān-o-saḳhā aksar mujhe

ab palaTne kā koī bhī silsila baaqī nahīñ

chāhe kaTvānā paḌe rāh-e-junūñ meñ sar mujhe

pahle Thukrāyā gayā us kī nigāh-e-nāz se

DhūñDtā phirtā hai ab koī 'razā' dar dar mujhe

ho gaya roz-e-azal ka waqi'a azbar mujhe

ahl-e-duniya mante hain is liye bartar mujhe

chahe dekha hai wo raushan mast chehra KHwab mein

apni haalat lag rahi hai pahle se behtar mujhe

ab aziyyat ki hadon se ho chuka labrez dil

ab nahin kaTega tere hijr ka KHanjar mujhe

pahle us ne ism ki tafhim ka khola jahan

aur phir sikhla diye lafzon ke sab jauhar mujhe

wadi-e-faqr-o-fana mein muddaten guzrin meri

jaante hain ahl-e-'irfan-o-saKHa aksar mujhe

ab palaTne ka koi bhi silsila baqi nahin

chahe kaTwana paDe rah-e-junun mein sar mujhe

pahle Thukraya gaya us ki nigah-e-naz se

DhunDta phirta hai ab koi 'raza' dar dar mujhe