phir wahi main hun wahi shahr-badar sannaTa

phir vahī maiñ huuñ vahī shahr-badar sannāTā

mujh ko Das le na kahīñ ḳhāk-basar sannāTā

dasht-e-hastī meñ shab-e-ġham kī sahar karne ko

hijr vāloñ ne liyā raḳht-e-safar sannāTā

kis se pūchhūñ ki kahāñ hai mirā rone vaalā

is taraf maiñ huuñ mire ghar se udhar sannāTā

tū sadāoñ ke bhañvar meñ mujhe āvāz to de

tujh ko degā mire hone kī ḳhabar sannāTā

us ko hañgāma-e-manzil kī ḳhabar kyā doge

jis ne paayā ho sar-e-rāhguzar sannāTā

hāsil-e-kunj-e-qafas vahm-ba-kaf tanhā.ī

raunaq-e-shām-e-safar tā-ba-sahar sannāTā

qsimat-e-shā.ir-e-sīmāb-sifat dasht kī maut

qīmat-e-reza-e-almās-e-hunar sannāTā

jān-e-'mohsin' mirī taqdīr meñ kab likkhā hai

Dūbtā chāñd tirā qurb-e-gajar sannāTā

phir wahi main hun wahi shahr-badar sannaTa

mujh ko Das le na kahin KHak-basar sannaTa

dasht-e-hasti mein shab-e-gham ki sahar karne ko

hijr walon ne liya raKHt-e-safar sannaTa

kis se puchhun ki kahan hai mera rone wala

is taraf main hun mere ghar se udhar sannaTa

tu sadaon ke bhanwar mein mujhe aawaz to de

tujh ko dega mere hone ki KHabar sannaTa

us ko hangama-e-manzil ki KHabar kya doge

jis ne paya ho sar-e-rahguzar sannaTa

hasil-e-kunj-e-qafas wahm-ba-kaf tanhai

raunaq-e-sham-e-safar ta-ba-sahar sannaTa

qsimat-e-shair-e-simab-sifat dasht ki maut

qimat-e-reza-e-almas-e-hunar sannaTa

jaan-e-'mohsin' meri taqdir mein kab likkha hai

Dubta chand tera qurb-e-gajar sannaTa