nihan kiye se kahin raaz-e-gham nihan hota

nihāñ kiye se kahīñ rāz-e-ġham nihāñ hotā

zabāñ dahan meñ na hotī to maiñ zabāñ hotā

muhāl thā ki maiñ āzād-e-do-jahāñ hotā

ba-qaid-e-jism na hotā ba-qaid-e-jāñ hotā

tamām uTh ga.e parde to is se kyā hāsil

mazā to jab thā ki maiñ bhī na darmiyāñ hotā

vo hāl-e-dil lab-e-ḳhāmosh se bhī sunte haiñ

ye jāntā to na sharminda-e-fuġhāñ hotā

ye sab numūd-o-numā.ish hai tere chhupne se

jo tū na parde meñ hotā to maiñ kahāñ hotā

nihan kiye se kahin raaz-e-gham nihan hota

zaban dahan mein na hoti to main zaban hota

muhaal tha ki main aazad-e-do-jahan hota

ba-qaid-e-jism na hota ba-qaid-e-jaan hota

tamam uTh gae parde to is se kya hasil

maza to jab tha ki main bhi na darmiyan hota

wo haal-e-dil lab-e-KHamosh se bhi sunte hain

ye jaanta to na sharminda-e-fughan hota

ye sab numud-o-numaish hai tere chhupne se

jo tu na parde mein hota to main kahan hota