kis husn-e-ehtimam se ye raaz hai ki hai

kis husn-e-ehtimām se ye raaz hai ki hai

ḳhāmosh bhī hai aur vahī āvāz hai ki hai

'ājiz hue to kyā huā kuchh hogī maslahat

taqvīm pe jo apnī hameñ naaz hai ki hai

be-ḳhud hī aa gayā huuñ ḳhudā aur ḳhudī hai biich

uftād hai so hai pa.e-ījāz hai ki hai

naġhma-garān-e-'asr taḳhayyul kā kyā banā

iz.hār kā ġhubār suḳhan-sāz hai ki hai

sanjīdgī vajūb mujhe tarz-e-vājibī

andāz dil-fareb pas-andāz hai ki hai

sochā hai ab ye maiñ ne ki sochoñ meñ gum rahūñ

anjām jo bhī ho magar āġhāz hai ki hai

kār-e-jahāñ kā bojh bhī 'salmān' apne sar

aur soch apnī mā.il-e-parvāz hai ki hai

kis husn-e-ehtimam se ye raaz hai ki hai

KHamosh bhi hai aur wahi aawaz hai ki hai

'ajiz hue to kya hua kuchh hogi maslahat

taqwim pe jo apni hamein naz hai ki hai

be-KHud hi aa gaya hun KHuda aur KHudi hai bich

uftad hai so hai pae-ijaz hai ki hai

naghma-garan-e-'asr taKHayyul ka kya bana

izhaar ka ghubar suKHan-saz hai ki hai

sanjidgi wajub mujhe tarz-e-wajibi

andaz dil-fareb pas-andaz hai ki hai

socha hai ab ye main ne ki sochon mein gum rahun

anjam jo bhi ho magar aaghaz hai ki hai

kar-e-jahan ka bojh bhi 'salman' apne sar

aur soch apni mail-e-parwaz hai ki hai