jis qadar ijtinab karte hain
jis qadar ijtināb karte haiñ
us qadar tang ḳhvāb karte haiñ
sochte hī bhalā kahāñ haiñ ham
jab koī intiḳhāb karte haiñ
koī rotā nahīñ judā.ī meñ
yūñhī āñkheñ chanāb karte haiñ
terā merā hisāb bantā hai
baiTh mil kar hisāb karte haiñ
ham ko sharmindagī uThānā paḌī
apnā jab ehtisāb karte haiñ
kyā burā bhī nahīñ manā.eñ log
jab unheñ be-naqāb karte haiñ
sochnā bhī nahīñ hai nafrat kā
pyaar bhī be-hisāb karte haiñ
ḳhāmushī bhī hai munfarid 'amjad'
baat bhī lā-javāb karte haiñ
jis qadar ijtinab karte hain
us qadar tang KHwab karte hain
sochte hi bhala kahan hain hum
jab koi intiKHab karte hain
koi rota nahin judai mein
yunhi aankhen chanab karte hain
tera mera hisab banta hai
baiTh mil kar hisab karte hain
hum ko sharmindagi uThana paDi
apna jab ehtisab karte hain
kya bura bhi nahin manaen log
jab unhen be-naqab karte hain
sochna bhi nahin hai nafrat ka
pyar bhi be-hisab karte hain
KHamushi bhi hai munfarid 'amjad'
baat bhi la-jawab karte hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
