dhaDkanen mohabbat ki dil-nashin KHamoshi
dhaḌkaneñ mohabbat kī dil-nashīn ḳhāmoshī
marhabā ai hañgāmo āfrīn ḳhāmoshī
kaj-bayāñ Thikānoñ se duur ik ḳharābe meñ
ghar banā ke rahtī hai ik zahīn ḳhāmoshī
shaam hai ye va.ade kī ishq ke irāde kī
ik javāñ sā sannāTā ik hasīn ḳhāmoshī
sāmne jo aa jā.ūñ kaifiyat hayā kī phir
Taañk degī palkoñ par nāznīn ḳhāmoshī
TuuT kar jo bikhrūñgā dekh legī duniyā phir
ik makāñ mohabbat kā aur makīn ḳhāmoshī
guftugū to tujh se thī rū-ba-rū maiñ ḳhud se thā
ik falak sā hañgāma ik zamīn ḳhāmoshī
bevafā ḳhayāloñ se zaḳhm ke havāloñ se
kyā savāl kartī phir vo hasīn ḳhāmoshī
dhaDkanen mohabbat ki dil-nashin KHamoshi
marhaba ai hangamo aafrin KHamoshi
kaj-bayan Thikanon se dur ek KHarabe mein
ghar bana ke rahti hai ek zahin KHamoshi
sham hai ye wade ki ishq ke irade ki
ek jawan sa sannaTa ek hasin KHamoshi
samne jo aa jaun kaifiyat haya ki phir
Tank degi palkon par naznin KHamoshi
TuT kar jo bikhrunga dekh legi duniya phir
ek makan mohabbat ka aur makin KHamoshi
guftugu to tujh se thi ru-ba-ru main KHud se tha
ek falak sa hangama ek zamin KHamoshi
bewafa KHayalon se zaKHm ke hawalon se
kya sawal karti phir wo hasin KHamoshi
Tagged Under
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
