dar ko diwar kar liya maine

dar ko dīvār kar liyā maiñ ne

ḳhud se inkār kar liyā maiñ ne

jurm sarzad nahīñ huā koī

phir bhī iqrār kar liyā maiñ ne

dil mohabbat meñ mubtalā kar ke

ġham se do-chār kar liyā maiñ ne

do qadam par thiiñ manzileñ aur phir

rasta dushvār kar liyā maiñ ne

jī meñ aayā to muuñd lī āñkheñ

terā dīdār kar liyā maiñ ne

dosto aap kī navāzish se

ḳhud ko fankār kar liyā maiñ ne

ek din ḳhāmushī ko hī 'amjad'

apnā hathyār kar liyā maiñ ne

dar ko diwar kar liya main ne

KHud se inkar kar liya main ne

jurm sarzad nahin hua koi

phir bhi iqrar kar liya main ne

dil mohabbat mein mubtala kar ke

gham se do-chaar kar liya main ne

do qadam par thin manzilen aur phir

rasta dushwar kar liya main ne

ji mein aaya to mund li aankhen

tera didar kar liya main ne

dosto aap ki nawazish se

KHud ko fankar kar liya main ne

ek din KHamushi ko hi 'amjad'

apna hathyar kar liya main ne