dar-guman radd-e-guman kahta raha
dar-gumāñ radd-e-gumāñ kahtā rahā
ḳhāmushī dil ham-zabāñ kahtā rahā
dā.ere ko khol kar dekhā nahīñ
terī qurbat ko jahāñ kahtā rahā
dūr-andeshī thī yā kotāh-dīd
ghar kī chhat ko āsmāñ kahtā rahā
dushmanoñ kī saf meñ shāmil yaar ko
maiñ hamesha qadr-dāñ kahtā rahā
bad-nasībī merī sun paayā nahīñ
vaqt apnī dāstāñ kahtā rahā
merī qismat meñ judā.ī hai tirī
mujh ko ye saara jahāñ kahtā rahā
yaad karne kī zarūrat hai 'bilāl'
kaun kis ko merī jaañ kahtā rahā
dar-guman radd-e-guman kahta raha
KHamushi dil ham-zaban kahta raha
daere ko khol kar dekha nahin
teri qurbat ko jahan kahta raha
dur-andeshi thi ya kotah-did
ghar ki chhat ko aasman kahta raha
dushmanon ki saf mein shamil yar ko
main hamesha qadr-dan kahta raha
bad-nasibi meri sun paya nahin
waqt apni dastan kahta raha
meri qismat mein judai hai teri
mujh ko ye sara jahan kahta raha
yaad karne ki zarurat hai 'bilal'
kaun kis ko meri jaan kahta raha
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
