baat baat par uski sad be-sabab kahiye

baat baat par us kī saad be-sabab kahiye

din kahe to din kahiye shab kahe to shab kahiye

maslahat kī chaaT aisī lag ga.ī zabānoñ ko

dekhte to haiñ kab se sochte haiñ kab kahiye

ḳhāmushī simaT kar bhī dasht hai samundar hai

aur gūñjtā bādal hai kahīñ to ab kahiye

muqtadir bhī kitnā hai be-ḳhabar bhī kitnā hai

aadmī ko dhartī par aadmī kā rab kahiye

vaqt kā taqāzā kyā intizār-e-fardā kyā

dil se pūchh kar kahiye muñh se kuchh bhī jab kahiye

be-nashāt kyuuñ guzre dil se mauj-e-dard us ke

kitne ḳhūb-sūrat haiñ us ke chashm-o-lab kahiye

kyā adab-garī 'gauhar' kyā hunar-varī 'gauhar'

girya-e-hunar kahiye nauha-e-adab kahiye

baat baat par us ki sad be-sabab kahiye

din kahe to din kahiye shab kahe to shab kahiye

maslahat ki chaT aisi lag gai zabanon ko

dekhte to hain kab se sochte hain kab kahiye

KHamushi simaT kar bhi dasht hai samundar hai

aur gunjta baadal hai kahin to ab kahiye

muqtadir bhi kitna hai be-KHabar bhi kitna hai

aadmi ko dharti par aadmi ka rab kahiye

waqt ka taqaza kya intizar-e-farda kya

dil se puchh kar kahiye munh se kuchh bhi jab kahiye

be-nashat kyun guzre dil se mauj-e-dard us ke

kitne KHub-surat hain us ke chashm-o-lab kahiye

kya adab-gari 'gauhar' kya hunar-wari 'gauhar'

girya-e-hunar kahiye nauha-e-adab kahiye