sochta hun ki kya likhun tumko

sochtā huuñ ki kyā likhūñ tum ko

dard likkhūñ davā likhūñ tum ko

ibtidā-e-ġham-e-jahāñ likh duuñ

'ishq kī intihā likhūñ tum ko

tum batāo ki ḳhvāb rahne duuñ

yā ki sach-much ḳhudā likhūñ tum ko

dil ne chāhā likhūñ tumheñ ummīd

sach likhūñ to du'ā likhūñ tum ko

tum se kitnī shikāyateñ haiñ magar

kis tarah be-vafā likhūñ tum ko

phir vahī tum ho phir vahī 'az.har'

kaise ḳhud se judā likhūñ tum ko

sochta hun ki kya likhun tum ko

dard likkhun dawa likhun tum ko

ibtida-e-gham-e-jahan likh dun

'ishq ki intiha likhun tum ko

tum batao ki KHwab rahne dun

ya ki sach-much KHuda likhun tum ko

dil ne chaha likhun tumhein ummid

sach likhun to du'a likhun tum ko

tum se kitni shikayaten hain magar

kis tarah be-wafa likhun tum ko

phir wahi tum ho phir wahi 'azhar'

kaise KHud se juda likhun tum ko