kaleja munh ko aaya aur nafas karne laga tangi
kalejā muñh ko aayā aur nafas karne lagā tañgī
huā kyā jaan ko merī abhī to thī bhalī-chañgī
zaqan kī chaah meñ ye sabzī-e-ḳhat zahr-e-qātil hai
parī hai bhāñg kuue meñ na ho kyuuñ ḳhalq chit-bhañgī
jahāñ kī tarah sau sau rañg pal pal meñ badaltā hai
kabhū kuchh hai kabhū kuchh hai kabhū kuchh hai vo bahū-rañgī
tire ruḳhsār se be-tarah lipTī jaa.e hai zālim
jo kuchh kahiye to bal khā uljhatī hai zulf be-Dhañgī
ġharīboñ kā ḳhudā-hāfiz hai 'hātim' dekhiye kyā ho
ki vo hai chuur kaifī haath meñ shamshīr hai nañgī
kaleja munh ko aaya aur nafas karne laga tangi
hua kya jaan ko meri abhi to thi bhali-changi
zaqan ki chah mein ye sabzi-e-KHat zahr-e-qatil hai
pari hai bhang kue mein na ho kyun KHalq chit-bhangi
jahan ki tarah sau sau rang pal pal mein badalta hai
kabhu kuchh hai kabhu kuchh hai kabhu kuchh hai wo bahu-rangi
tere ruKHsar se be-tarah lipTi jae hai zalim
jo kuchh kahiye to bal kha uljhati hai zulf be-Dhangi
gharibon ka KHuda-hafiz hai 'hatim' dekhiye kya ho
ki wo hai chur kaifi hath mein shamshir hai nangi
- Book : Diwan-e-Zadah (Pg. 337)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
