kal raat suni chhat pe ajab saneha hua

kal raat suunī chhat pe ajab sāneha huā

jaane do yaar kaun batā.e ki kyā huā

nazroñ se nāptā hai samundar kī vus.ateñ

sāhil pe ik shaḳhs akelā khaḌā huā

lambī saḌak pe duur talak koī bhī na thā

palkeñ jhapak rahā thā darīcha khulā huā

maanā ki tū zahīn bhī hai ḳhūb-rū bhī hai

tujh sā na maiñ huā to bhalā kyā burā huā

din Dhal rahā thā jab use dafnā ke aa.e the

sūraj bhī thā malūl zamīñ par jhukā huā

kyā zulm hai ki shahr meñ rahne ko ghar nahīñ

jañgal meñ peḌ peḌ pe thā ghar banā huā

'alvī' ġhazal kā ḳhabt abhī kam nahīñ huā

jā.egā jī ke saath ye haukā lagā huā

kal raat suni chhat pe ajab saneha hua

jaane do yar kaun batae ki kya hua

nazron se napta hai samundar ki wusaten

sahil pe ek shaKHs akela khaDa hua

lambi saDak pe dur talak koi bhi na tha

palken jhapak raha tha daricha khula hua

mana ki tu zahin bhi hai KHub-ru bhi hai

tujh sa na main hua to bhala kya bura hua

din Dhal raha tha jab use dafna ke aae the

suraj bhi tha malul zamin par jhuka hua

kya zulm hai ki shahr mein rahne ko ghar nahin

jangal mein peD peD pe tha ghar bana hua

'alwi' ghazal ka KHabt abhi kam nahin hua

jaega ji ke sath ye hauka laga hua