kabhi kaha na kisi se tere fasane ko
kabhī kahā na kisī se tire fasāne ko
na jaane kaise ḳhabar ho ga.ī zamāne ko
duā bahār kī māñgī to itne phuul khile
kahīñ jagah na rahī mere āshiyāne ko
mirī lahad pe patañgoñ kā ḳhuun hotā hai
huzūr sham.a na laayā kareñ jalāne ko
sunā hai ġhair kī mahfil meñ tum na jāoge
kaho to aaj sajā luuñ ġharīb-ḳhāne ko
dabā ke qabr meñ sab chal diye duā na salām
zarā sī der meñ kyā ho gayā zamāne ko
ab aage is meñ tumhārā bhī naam aa.egā
jo hukm ho to yahīñ chhoḌ duuñ fasāne ko
'qamar' zarā bhī nahīñ tum ko ḳhauf-e-rusvā.ī
chale ho chāñdnī shab meñ unheñ bulāne ko
kabhi kaha na kisi se tere fasane ko
na jaane kaise KHabar ho gai zamane ko
dua bahaar ki mangi to itne phul khile
kahin jagah na rahi mere aashiyane ko
meri lahad pe patangon ka KHun hota hai
huzur shama na laya karen jalane ko
suna hai ghair ki mahfil mein tum na jaoge
kaho to aaj saja lun gharib-KHane ko
daba ke qabr mein sab chal diye dua na salam
zara si der mein kya ho gaya zamane ko
ab aage is mein tumhaara bhi nam aaega
jo hukm ho to yahin chhoD dun fasane ko
'qamar' zara bhi nahin tum ko KHauf-e-ruswai
chale ho chandni shab mein unhen bulane ko
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
