kaghazi hauslon se KHauf aaya

kāġhazī hausloñ se ḳhauf aayā

yā hameñ bārishoñ se ḳhauf aayā

dekh sakte haiñ chhū nahīñ sakte

haath bhar fāsloñ se ḳhauf aayā

ḳhaar kāñpe ki phuul kyā nikleñ

phuul ko ḳhushbūoñ se ḳhauf aayā

maañ ke qadmoñ ko chūmne se ga.e

baap kī muTThiyoñ se ḳhauf aayā

raat jab tum se mil ke aayā maiñ

aane vaale dinoñ se ḳhauf aayā

ek jarsūma le gayā baazī

kyā chuḌailoñ jinoñ se ḳhauf aayā

jūñhī māchis dikhā.ī cigarette ko

apnī hī uñgliyoñ se ḳhauf aayā

sub.h-ḳhezī se sub.h ghabrā.ī

raat ko rat-jagoñ se ḳhauf aayā

ye khachā-khach bharī huī vahshat

be-basoñ ko basoñ se ḳhauf aayā

pahle Dartā rahā lakīroñ se

phir mujhe dā.eroñ se ḳhauf aayā

ḳhālī tanhā udaas saḌkoñ par

ghūmte Tyroñ se ḳhauf aayā

pahle jī chāhā maiñ yaqīñ kar luuñ

phir tire sho'badoñ se ḳhauf aayā

kaghazi hauslon se KHauf aaya

ya hamein barishon se KHauf aaya

dekh sakte hain chhu nahin sakte

hath bhar faslon se KHauf aaya

KHar kanpe ki phul kya niklen

phul ko KHushbuon se KHauf aaya

man ke qadmon ko chumne se gae

bap ki muTThiyon se KHauf aaya

raat jab tum se mil ke aaya main

aane wale dinon se KHauf aaya

ek jarsuma le gaya bazi

kya chuDailon jinon se KHauf aaya

junhi machis dikhai cigarette ko

apni hi ungliyon se KHauf aaya

subh-KHezi se subh ghabrai

raat ko rat-jagon se KHauf aaya

ye khacha-khach bhari hui wahshat

be-bason ko bason se KHauf aaya

pahle Darta raha lakiron se

phir mujhe daeron se KHauf aaya

KHali tanha udas saDkon par

ghumte Tyron se KHauf aaya

pahle ji chaha main yaqin kar lun

phir tere sho'badon se KHauf aaya