har bulandi mein hi meri pasti rahi

har bulandī meñ hī merī pastī rahī

zindagī merī qismat pe hañstī rahī

mujh ko jo bhī milā ik sabaq de gayā

har daf'a gāñTh pallū meñ kastī rahī

rab kī qurbat milī dil ko sabr aa gayā

karb meñ ḳhud se laḌ ke shikastī rahī

har kisī par luTātī rahī shafqateñ

'ātifat ke liye ḳhud tarastī rahī

sab samajhne meñ mujh ko hī qāsir rahe

itnī pechīda kyuuñ merī hastī rahī

ḳhud-ba-ḳhud ḳhatm un se ta'alluq huā

fitratan jin meñ bhī ḳhud-parastī rahī

adh-khile phuul kuchle shikam meñ ka.ī

jaan mā'sūm kī kitnī sastī rahī

ghar amīroñ ke ābād hote rahe

bas ujaḌtī ġharīboñ kī bastī rahī

zālimoñ kī himāyat maiñ kaise karūñ

merī ḳhaslat meñ hī haq-parastī rahī

vo vafā kyā karegā kisī se 'sanā'

muḳhlisī jis kī us ko hī Dastī rahī

har bulandi mein hi meri pasti rahi

zindagi meri qismat pe hansti rahi

mujh ko jo bhi mila ek sabaq de gaya

har daf'a ganTh pallu mein kasti rahi

rab ki qurbat mili dil ko sabr aa gaya

karb mein KHud se laD ke shikasti rahi

har kisi par luTati rahi shafqaten

'atifat ke liye KHud tarasti rahi

sab samajhne mein mujh ko hi qasir rahe

itni pechida kyun meri hasti rahi

KHud-ba-KHud KHatm un se ta'alluq hua

fitratan jin mein bhi KHud-parasti rahi

adh-khile phul kuchle shikam mein kai

jaan ma'sum ki kitni sasti rahi

ghar amiron ke aabaad hote rahe

bas ujaDti gharibon ki basti rahi

zalimon ki himayat main kaise karun

meri KHaslat mein hi haq-parasti rahi

wo wafa kya karega kisi se 'sana'

muKHlisi jis ki us ko hi Dasti rahi