chehra-ba-chehra KHwab dikhai diye mujhe
chehrā-ba-chehrā ḳhvāb dikhā.ī diye mujhe
kyā kyā sukūt the ki sunā.ī diye mujhe
kin kin hadoñ kī mujh ko asīrī 'atā huī
kyā kyā qafas banām-e-ḳhudā.ī diye mujhe
haq sab kā māñgtā huuñ par apne kisān ko
'umreñ guzar ga.ī haiñ baTā.ī diye mujhe
vo mujh se laḌ rahe the ki maiñ maañ se laḌ paḌā
us ne bhī kis mizāj ke bhaa.ī diye mujhe
kyā kyā na sāthiyoñ pe dharīñ us ne tohmateñ
lekin baġhair apnī safā.ī diye mujhe
'kausar' vo kyā ḳharosh-e-talātum thā us ghaḌī
lahje to shabnamoñ ke sunā.ī diye mujhe
chehra-ba-chehra KHwab dikhai diye mujhe
kya kya sukut the ki sunai diye mujhe
kin kin hadon ki mujh ko asiri 'ata hui
kya kya qafas banam-e-KHudai diye mujhe
haq sab ka mangta hun par apne kisan ko
'umren guzar gai hain baTai diye mujhe
wo mujh se laD rahe the ki main man se laD paDa
us ne bhi kis mizaj ke bhai diye mujhe
kya kya na sathiyon pe dharin us ne tohmaten
lekin baghair apni safai diye mujhe
'kausar' wo kya KHarosh-e-talatum tha us ghaDi
lahje to shabnamon ke sunai diye mujhe
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
