zindagi ko kisi se aas nahin
zindagī ko kisī se aas nahīñ
maiñ huuñ tanhā magar udaas nahīñ
dil jalāyā hai raushnī ke liye
chāñd sūraj to mere paas nahīñ
hai samundar kī justujū mujh ko
aur laboñ par zarā bhī pyaas nahīñ
lutf miltā hai har haqīqat se
ab nigāhoñ ko ḳhvāb raas nahīñ
ibn-e-ādam haiñ log mere liye
koī bhī 'aam aur ḳhaas nahīñ
zindagi ko kisi se aas nahin
main hun tanha magar udas nahin
dil jalaya hai raushni ke liye
chand suraj to mere pas nahin
hai samundar ki justuju mujh ko
aur labon par zara bhi pyas nahin
lutf milta hai har haqiqat se
ab nigahon ko KHwab ras nahin
ibn-e-adam hain log mere liye
koi bhi 'am aur KHas nahin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
