yun pi raha hun jaise koi pyas hi nahin

yuuñ pī rahā huuñ jaise koī pyaas hī nahīñ

sāġhar hamāre dil ko zarā raas hī nahīñ

maiñ yuuñ hī jī rahā huuñ tirī kā.enāt meñ

mujh ko to zindagī se koī aas hī nahīñ

paiham talāsh jaarī hai is dil kī dar-ba-dar

yā'nī ki merā dil hai mire paas hī nahīñ

kaise lubhe-gā vo but-e-nāzuk shab-e-visāl

kyā Dāliye ki paas koī ghaas hī nahīñ

hazrat ke pīchhe ho ke bhī manzil nahīñ milī

ki gumrahī kā ḳhizr ko ehsās hī nahīñ

rāz-e-ḳhirad junūñ kī hikāyāt-e-ḳhūñ-chakāñ

sab kuchh mirī ġhazal meñ hai bakvās hī nahīñ

yun pi raha hun jaise koi pyas hi nahin

saghar hamare dil ko zara ras hi nahin

main yun hi ji raha hun teri kaenat mein

mujh ko to zindagi se koi aas hi nahin

paiham talash jari hai is dil ki dar-ba-dar

ya'ni ki mera dil hai mere pas hi nahin

kaise lubhe-ga wo but-e-nazuk shab-e-visal

kya Daliye ki pas koi ghas hi nahin

hazrat ke pichhe ho ke bhi manzil nahin mili

ki gumrahi ka KHizr ko ehsas hi nahin

raaz-e-KHirad junun ki hikayat-e-KHun-chakan

sab kuchh meri ghazal mein hai bakwas hi nahin