samten ghalat zamin ghalat aasman ghalat
samteñ ġhalat zamīn ġhalat āsmāñ ġhalat
ham hī agar ġhalat haiñ to saarā jahāñ ġhalat
behtar to hai ki ham hī se suniye hamārī baat
duniyā bayāñ karegī to hogī bayāñ ġhalat
jannat kī justujū thī jahannam meñ aa paḌe
kis ko ḳhabar kī paaoñ uThe the kahāñ ġhalat
majbūriyāñ na hoñ to koī mas.ala nahīñ
andāz-e-fikr detā hai majbūriyāñ ġhalat
tai ye huā ki dī hī na jaa.e mujhe sharāb
karte haiñ faisle bhī mire mehrbāñ ġhalat
samten ghalat zamin ghalat aasman ghalat
hum hi agar ghalat hain to sara jahan ghalat
behtar to hai ki hum hi se suniye hamari baat
duniya bayan karegi to hogi bayan ghalat
jannat ki justuju thi jahannam mein aa paDe
kis ko KHabar ki paon uThe the kahan ghalat
majburiyan na hon to koi masala nahin
andaz-e-fikr deta hai majburiyan ghalat
tai ye hua ki di hi na jae mujhe sharab
karte hain faisle bhi mere mehrban ghalat
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
