na manzil mil saki nam-o-nishan se
na manzil mil sakī nām-o-nishāñ se
ḳhalish baḌhtī rahī soz-e-nihāñ se
hai kotāhī nazar kī apnī varna
zamīñ kuchh kam nahīñ hai āsmāñ se
fareb-e-jalva-e-rangīñ na pūchho
jhukā har daur sang-e-āstāñ se
taḌap jaatā hai dil barq-o-sharar se
ḳhabar aa.ī na ab tak āshiyāñ se
chaman kī ho hinā-bandī dubāra
nahīñ ummīd mujh ko bāġhbāñ se
falak kī gardish-e-paiham to dekho
milī āñkheñ na phir us bad-gumāñ se
ḳhabar itnī nahīñ hai ham ko ab tak
chale the ham kahāñ ko aur kahāñ se
'matīn' apnī samajh meñ ye na aayā
milūñ kis tarh jā kar jān-e-jāñ se
na manzil mil saki nam-o-nishan se
KHalish baDhti rahi soz-e-nihan se
hai kotahi nazar ki apni warna
zamin kuchh kam nahin hai aasman se
fareb-e-jalwa-e-rangin na puchho
jhuka har daur sang-e-astan se
taDap jata hai dil barq-o-sharar se
KHabar aai na ab tak aashiyan se
chaman ki ho hina-bandi dubara
nahin ummid mujh ko baghban se
falak ki gardish-e-paiham to dekho
mili aankhen na phir us bad-guman se
KHabar itni nahin hai hum ko ab tak
chale the hum kahan ko aur kahan se
'matin' apni samajh mein ye na aaya
milun kis tarh ja kar jaan-e-jaan se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
