hausla shauq ka koi to nikala jae

hausla shauq kā koī to nikālā jaa.e

sāya-e-gul meñ kahīñ baiTh ke royā jaa.e

jaane Duube mileñ sadiyoñ ke safīne kitne

dil samundar hai kisī roz khañgālā jaa.e

zindagī kā nazar aa jaa.e koī ruḳh shāyad

ik diyā dosh-e-havā par hī jalāyā jaa.e

karb kī aag meñ har shaḳhs huā be-chehra

kaun se naam se ab kis ko pukārā jaa.e

hai sharābor tirī yaad kī bārish se badan

dhuup ruḳhsār kī nikle to sukhāyā jaa.e

nahīñ vo jism nigāhoñ ke muqaddar meñ na ho

chāñdnī ko hī kisī sāñche meñ Dhālā jaa.e

tapte sahrā meñ milegā koī saaya bhī kahīñ

sab to haiñ dhuup meñ ab kis se ye pūchhā jaa.e

safar-e-tishna-labī ḳhatm to āḳhir ho kabhī

aag ban kar hī kisī dasht pe barsā jaa.e

kyuuñ sukūt-e-shab-e-mai-ḳhāna sadā ko tarse

gar nahīñ jaam to dil hī koī toḌā jaa.e

kaun baiThā huā buntā hai ye girdāb ke jaal

kisī dariyā meñ kabhī Duub ke dekhā jaa.e

dasht meñ to na milā lūTne vaalā koī

ek do roz kisī shahr maiñ Thahrā jaa.e

raat to aag ke sahrā kā safar thā jaise

sub.h kī suulī pe kuchh der to soyā jaa.e

hādsoñ ke ghane jangal meñ kisī ko bhejo

kuchh 'na.īmī' kā pata bhī to lagāyā jaa.e

hausla shauq ka koi to nikala jae

saya-e-gul mein kahin baiTh ke roya jae

jaane Dube milen sadiyon ke safine kitne

dil samundar hai kisi roz khangala jae

zindagi ka nazar aa jae koi ruKH shayad

ek diya dosh-e-hawa par hi jalaya jae

karb ki aag mein har shaKHs hua be-chehra

kaun se nam se ab kis ko pukara jae

hai sharabor teri yaad ki barish se badan

dhup ruKHsar ki nikle to sukhaya jae

nahin wo jism nigahon ke muqaddar mein na ho

chandni ko hi kisi sanche mein Dhaala jae

tapte sahra mein milega koi saya bhi kahin

sab to hain dhup mein ab kis se ye puchha jae

safar-e-tishna-labi KHatm to aaKHir ho kabhi

aag ban kar hi kisi dasht pe barsa jae

kyun sukut-e-shab-e-mai-KHana sada ko tarse

gar nahin jam to dil hi koi toDa jae

kaun baiTha hua bunta hai ye girdab ke jal

kisi dariya mein kabhi Dub ke dekha jae

dasht mein to na mila luTne wala koi

ek do roz kisi shahr main Thahra jae

raat to aag ke sahra ka safar tha jaise

subh ki suli pe kuchh der to soya jae

hadson ke ghane jangal mein kisi ko bhejo

kuchh 'naimi' ka pata bhi to lagaya jae