ek hi manzar musalsal aur aksar dekhna
ek hī manzar musalsal aur aksar dekhnā
pahle se dekhe hue ko had se baḌh kar dekhnā
munkashif ho jā.eñge lahroñ ke aur naav ke bhed
tum kabhī merī nigāhoñ se samundar dekhnā
bhiiḌ meñ aa.e bhale tanhā.ī meñ ho jalva-gar
aur kuchh mat dekhnā bas us ke tevar dekhnā
bhuul kar bhī mat palaTnā yaar ke dar se kabhī
chāhe lamhe ke liye bhī ho mayassar dekhnā
ek hī nuqta samajh aayā hai rāh-e-'ishq meñ
us ko jab bhī dekhnā pahle se behtar dekhnā
'jāmī' ke lahje meñ kis kī justujū hai baar baar
mere she'roñ meñ chhupā har ek jauhar dekhnā
ek hi manzar musalsal aur aksar dekhna
pahle se dekhe hue ko had se baDh kar dekhna
munkashif ho jaenge lahron ke aur naw ke bhed
tum kabhi meri nigahon se samundar dekhna
bhiD mein aae bhale tanhai mein ho jalwa-gar
aur kuchh mat dekhna bas us ke tewar dekhna
bhul kar bhi mat palaTna yar ke dar se kabhi
chahe lamhe ke liye bhi ho mayassar dekhna
ek hi nuqta samajh aaya hai rah-e-'ishq mein
us ko jab bhi dekhna pahle se behtar dekhna
'jami' ke lahje mein kis ki justuju hai bar bar
mere she'ron mein chhupa har ek jauhar dekhna
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
