bare ulfat ke juz KHata kya hai

baare ulfat ke juz ḳhatā kyā hai

āḳhir is jurm kī sazā kyā hai

qatl kartā hai kis salīqe se

ḳhanjar-e-husn meñ adā kyā hai

ham pe vo jin kā jabr guzrā hai

pūchhte haiñ hameñ huā kyā hai

baat bantī ho is binā pe gar

gāliyāñ khāne meñ burā kyā hai

ham vahī tum vahī vahī shikva

sab tamāsha vahī nayā kyā hai

chhoḌte ho na saath rakhte ho

chāhte kyā ho mudda'ā kyā hai

ashk Thahre hue haiñ āñkhoñ meñ

aaj is abr ko huā kyā hai

'ishq ne kar diyā charāġh āḳhir

kyā kaheñ ab ki bad-du'ā kyā hai

kis liye hai ye hāo-hū āḳhir

kyā samajh aa gayā ḳhudā kyā hai

har tamannā 'tamām' ho jaa.e

gar samajh aa.e falsafa kyā hai

bare ulfat ke juz KHata kya hai

aaKHir is jurm ki saza kya hai

qatl karta hai kis saliqe se

KHanjar-e-husn mein ada kya hai

hum pe wo jin ka jabr guzra hai

puchhte hain hamein hua kya hai

baat banti ho is bina pe gar

galiyan khane mein bura kya hai

hum wahi tum wahi wahi shikwa

sab tamasha wahi naya kya hai

chhoDte ho na sath rakhte ho

chahte kya ho mudda'a kya hai

ashk Thahre hue hain aankhon mein

aaj is abr ko hua kya hai

'ishq ne kar diya charagh aaKHir

kya kahen ab ki bad-du'a kya hai

kis liye hai ye hao-hu aaKHir

kya samajh aa gaya KHuda kya hai

har tamanna 'tamam' ho jae

gar samajh aae falsafa kya hai