jurm-e-ulfat pe hamein log saza dete hain

jurm-e-ulfat pe hameñ log sazā dete haiñ

kaise nādān haiñ sho.aloñ ko havā dete haiñ

ham se dīvāne kahīñ tark-e-vafā karte haiñ

jaan jaa.e ki rahe baat nibhā dete haiñ

aap daulat ke tarāzū meñ diloñ ko tauleñ

ham mohabbat se mohabbat kā sila dete haiñ

taḳht kyā chiiz hai aur la.al-o-javāhar kyā haiñ

ishq vaale to ḳhudā.ī bhī luTā dete haiñ

ham ne dil de bhī diyā ahd-e-vafā le bhī liyā

aap ab shauq se de leñ jo sazā dete haiñ

jurm-e-ulfat pe hamein log saza dete hain

kaise nadan hain shoalon ko hawa dete hain

hum se diwane kahin tark-e-wafa karte hain

jaan jae ki rahe baat nibha dete hain

aap daulat ke taraazu mein dilon ko taulen

hum mohabbat se mohabbat ka sila dete hain

taKHt kya chiz hai aur lal-o-jawahar kya hain

ishq wale to KHudai bhi luTa dete hain

hum ne dil de bhi diya ahd-e-wafa le bhi liya

aap ab shauq se de len jo saza dete hain