yun hi nahin ba-qaeda ilham hua hai
yuuñ hī nahīñ bā-qā.edā ilhām huā hai
is vāste hī 'ishq tire naam huā hai
āvāz lagātā thā malang ik sar-e-bāzār
dekho ye mirā 'ishq meñ anjām huā hai
har din mirā ḳhāmoshī se kaTtā rahā lekin
har raat tirī yaad meñ kohrām huā hai
yuuñ hī nahīñ ash'ār pe jhūmī hai tirī bazm
din raat suḳhan hī ke liye kaam huā hai
vo sāmne baiThe nazar aa.e to huā yuuñ
muddat pe zarā dil ko phir ārām huā hai
logoñ meñ 'anāsir hī nahīñ hote vafā ke
be-vaj.h magar 'ishq hī bad-nām huā hai
yun hi nahin ba-qaeda ilham hua hai
is waste hi 'ishq tere nam hua hai
aawaz lagata tha malang ek sar-e-bazar
dekho ye mera 'ishq mein anjam hua hai
har din mera KHamoshi se kaTta raha lekin
har raat teri yaad mein kohram hua hai
yun hi nahin ash'ar pe jhumi hai teri bazm
din raat suKHan hi ke liye kaam hua hai
wo samne baiThe nazar aae to hua yun
muddat pe zara dil ko phir aaram hua hai
logon mein 'anasir hi nahin hote wafa ke
be-wajh magar 'ishq hi bad-nam hua hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
