maine mana ki koi KHwab hai diwane ka
maiñ ne maanā ki koī ḳhvāb hai dīvāne kā
hai magar kuchh to sabab niiñd meñ Dar jaane kā
aise rote hue jiinā bhī koī jiinā hai
zindagī naam hai hañste hue mar jaane kā
koī lailā mirī vahshat to nahīñ hai lekin
naam rakkhā gayā majnūñ mire afsāne kā
mujh se paimāna chhupāte ho bhalā kyoñ vā'iz
be-sabab ruḳh koī kartā nahīñ maiḳhāne kā
ḳhvāb meñ bhī vo mire naam se sharmāte haiñ
ḳhuub paayā hai nayā Dhang ye sharmāne kā
dūsroñ ko vo hañsā.e kabhī ro.e ḳhud bhī
kyā salīqa hai ye 'vāris' ke taḌap jaane kā
main ne mana ki koi KHwab hai diwane ka
hai magar kuchh to sabab nind mein Dar jaane ka
aise rote hue jina bhi koi jina hai
zindagi nam hai hanste hue mar jaane ka
koi laila meri wahshat to nahin hai lekin
nam rakkha gaya majnun mere afsane ka
mujh se paimana chhupate ho bhala kyon wa'iz
be-sabab ruKH koi karta nahin maiKHane ka
KHwab mein bhi wo mere nam se sharmate hain
KHub paya hai naya Dhang ye sharmane ka
dusron ko wo hansae kabhi roe KHud bhi
kya saliqa hai ye 'waris' ke taDap jaane ka
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
