jo siDhiyon se sanp ke KHane mein aae hain

jo sīḌhiyoñ se saañp ke ḳhāne meñ aa.e haiñ

vo sab yaqīñ ke āḳhirī darje meñ aa.e haiñ

is 'ishq ne 'atā kī tumheñ din kī raushnī

rātoñ ke rat-jage mire hisse meñ aa.e haiñ

kal raat ḳhud ko dafn jahāñ kar ga.e the ham

phir aaj ḳhud se apne hī purse meñ aa.e haiñ

mahsūs ye huā ki pukārā hai aap ne

is vahm par hī dauḌ ke lamhe meñ aa.e haiñ

ilzām jo bhī chāheñ hameñ aap dījiye

ham is liye to aap ke qisse meñ aa.e haiñ

jo siDhiyon se sanp ke KHane mein aae hain

wo sab yaqin ke aaKHiri darje mein aae hain

is 'ishq ne 'ata ki tumhein din ki raushni

raaton ke rat-jage mere hisse mein aae hain

kal raat KHud ko dafn jahan kar gae the hum

phir aaj KHud se apne hi purse mein aae hain

mahsus ye hua ki pukara hai aap ne

is wahm par hi dauD ke lamhe mein aae hain

ilzam jo bhi chahen hamein aap dijiye

hum is liye to aap ke qisse mein aae hain