rudad-e-shab-e-hijr use keh bhi sakunga

rūdād-e-shab-e-hijr use keh bhī sakūñgā

mā'lūm nahīñ ab ki ye ġham sah bhī sakūñgā

jab 'ishq kiyā thā to ye sochā bhī nahīñ thā

qatra huuñ maiñ dariyā kī tarah bah bhī sakūñgā

vo koī bhī 'ālam ho vo koī bhī jagah ho

maiñ us se judā ho ke kahīñ rah bhī sakūñgā

ham ek hī bastī meñ haiñ par jaise nahīñ haiñ

is sūrat-e-hālāt ko maiñ sah bhī sakūñgā

ā.īna muqābil meñ hai aur kahtā huuñ ḳhud se

jo biit ga.ī mujh pe use keh bhī sakūñgā

'shohrat' dil-e-betāb kī hālat ko ġhazal meñ

baiThā to huuñ kahne ko magar keh bhī sakūñgā

rudad-e-shab-e-hijr use keh bhi sakunga

ma'lum nahin ab ki ye gham sah bhi sakunga

jab 'ishq kiya tha to ye socha bhi nahin tha

qatra hun main dariya ki tarah bah bhi sakunga

wo koi bhi 'alam ho wo koi bhi jagah ho

main us se juda ho ke kahin rah bhi sakunga

hum ek hi basti mein hain par jaise nahin hain

is surat-e-haalat ko main sah bhi sakunga

aaina muqabil mein hai aur kahta hun KHud se

jo bit gai mujh pe use keh bhi sakunga

'shohrat' dil-e-betab ki haalat ko ghazal mein

baiTha to hun kahne ko magar keh bhi sakunga