nazar ke samne jab tak sanam nahin hota
nazar ke sāmne jab tak sanam nahīñ hotā
sukūn-e-dil nahīñ miltā karam nahīñ hotā
tumhāre hijr meñ ye haal ho gayā hai mirā
sitamgaroñ kā bhī mujh par sitam nahīñ hotā
diloñ ke biich agar fāsla zarā bhī ho
ta'alluqāt meñ phir vo bharam nahīñ hotā
tirī nigāh kā jaadū asar dikhātā hai
sivā.e us ke mirā dil bhī nam nahīñ hotā
maiñ chāhtā huuñ bhulā duuñ tirī mohabbat ko
magar judā.ī kā ehsās kam nahīñ hotā
jo tum milo to har ik shai hasīn lagtī hai
bichhaḌ ke tum se mirā dard kam nahīñ hotā
nazar ke samne jab tak sanam nahin hota
sukun-e-dil nahin milta karam nahin hota
tumhaare hijr mein ye haal ho gaya hai mera
sitamgaron ka bhi mujh par sitam nahin hota
dilon ke bich agar fasla zara bhi ho
ta'alluqat mein phir wo bharam nahin hota
teri nigah ka jadu asar dikhata hai
siwae us ke mera dil bhi nam nahin hota
main chahta hun bhula dun teri mohabbat ko
magar judai ka ehsas kam nahin hota
jo tum milo to har ek shai hasin lagti hai
bichhaD ke tum se mera dard kam nahin hota
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
