kis ne meri ada ko yun achchhi ada kaha

kis ne mirī adā ko yuuñ achchhī adā kahā

ye kaun hai ki jis ne mujhe ḳhush-numā kahā

tab aap mere sabr kā 'ālam na pūchhiye

jab us ne sab ke aage mujhe bevafā kahā

ye kaisā imtihāñ hai ki maqtal ke sāmne

logoñ ne mere sabr ko jhūTī adā kahā

mujh ko hī merī maut kā bā'is banā diyā

munsif ne us ke qatl ko qatl-e-ḳhatā kahā

dil ye huā ki ḳhud ko maiñ TukḌoñ meñ baañT duuñ

jis roz aap ne mujhe ḳhud se judā kahā

'irdum' jo aag siine meñ ik 'umr tak jalī

us ko kisī ne 'ishq kisī ne ḳhatā kahā

kis ne meri ada ko yun achchhi ada kaha

ye kaun hai ki jis ne mujhe KHush-numa kaha

tab aap mere sabr ka 'alam na puchhiye

jab us ne sab ke aage mujhe bewafa kaha

ye kaisa imtihan hai ki maqtal ke samne

logon ne mere sabr ko jhuTi ada kaha

mujh ko hi meri maut ka ba'is bana diya

munsif ne us ke qatl ko qatl-e-KHata kaha

dil ye hua ki KHud ko main TukDon mein banT dun

jis roz aap ne mujhe KHud se juda kaha

'irdum' jo aag sine mein ek 'umr tak jali

us ko kisi ne 'ishq kisi ne KHata kaha